cover antologi puisi Banjar " Kalalatu "

Album Puisi Bahasa Banjar

dan terjemahan dalam Bahasa Indonesia

Arsyad Indradi

KAlAlATU

Panarbit :

Kelompok Studi Sastra Banjarbaru

Kalimantan Selatan

edisi 1

Bagandang Nyiru

Imbahitu inya kada tahu lagi wan dirinya

Nang tahu teja mambari sajumlah warna

Jalan nang kada tarasa asing dijalani

Hanyar babarapa hari badapat wan Ainun

Rasa saratus tahun bakawanan singrakatan

Kada kawa dikisah lagi bauma tiri

Juhri nang babatis panjang sabalah

lamun harat bagimpar wan bagipang

Di kampung ngaran tapuji

Juhri

Pinanya sakampungan bakiaw

Mambawa handayang wan suluh

Rami bagandang nyiru sabil bakiaw ngaran Juhri

Juhri mandi bacabur wan kakawanan

Basimburan wan Ainun sampai malupa

Sungai nang mangalir dari spektrum

teja nang mambantang

Juhri

Di mana ikam Juhri

Nyiru kada bakaraat mambulangkir hutan

Juhri bulik

Handayang wan suluh manyapu bulan kadap

jadi tarangbandarang

Sungai sasain daras mangalir

Juhri bulik

Juhri bulik

Juhri marasa sasain jua tabawa arus

Namun kada badaya wan dirinya nang hanyut

Juhri bulik

Ikam di mana Juhri

Lakasi bulik

Sambil bakiaw kai Adul bamamai

Han matijaku amun kada aasi wan papadah

urang tuha

Nanginiam jadinya

Pamali basasambunyain lacit kamagrib

Ainun basisigan di pangkuan umanya

Kakawanannya masih jua tacagat

mamandang Juhri dibungkus teja

nang sasain jua mananggalakan spektrumnya

Sakampungan badaraw manurunakan Juhri

nang tasangkang di puhun jingah

Kur sumangat jar nini Aluh

imbah sidin sampai ka sana

bbaru.96

Bagandang Nyiru

Setelah ia tak tahu lagi dengan dirinya

Yang tahu pelangi memberi sejumlah warna

Jalan yang tak terasa asing dijalani

Baru beberapa hari bertemu dengan Ainun

Serasa seratus tahun berteman begitu akrab

Tak dapat diceritakan lagi beribu tiri

Juhri yang berkaki panjang sebelah

tapi pintar bagimpar dan bagipang

Di kampung namanya terpuji

Juhri

Kiranya sekampungan memanggil

Membawa handayang dan suluh

Riuh bergendang tampah sambil memanggil nama Juhri

Juhri mandi bercebur bersama temanteman

Bersimburan dengan Ainun sampai asyik

Sungai yang mengalir dari spektrum

pelangi yang membentang

Juhri

Dimana kau Juhri

Tampah tiada hentihentinya membongkar hutan

Juhri pulang

Handayang dan suluh menyapu bulan gelap

jadi terangbenderang

Sungai semakin deras mengalirJuhri pulang

Juhri pulang

Juhri pulang

Juhri merasa semakin juga terbawa arus

Tetapi tiada berdaya dengan dirinya yang hanyut

Juhri pulang

Kau di mana Juhri

Cepat pulang

Sambil memanggil Kakek Adul mengomel

Sudah kukatakan tapi dasar tiada patuh dengan nasihat

orang tua

Seperti inilah jadinya

Pamali bersembunyisembunyia n sampai kemagrib

Ainun terisak di pangkuan ibunya

Temantemannya masih juga terpaku

memandang Juhri dibungkus pelangi

yang semakin juga menanggalkan spektrumnya

Sekampungan gaduh menurunkan Juhri

yang tersangkut di pohon jingah

Kur sumangat kata Nini Aluh

Setelah beliau sampai kesana

Banjarbaru, 96

Kai Adul

Kai caramin mata kami

Tinggal sidin sasaurangan lagi

nang lainnya sudah habisan

Di tangan kanan wan kiwa wan di batis

kami mamiciki

Kai tasandar di kursi habais bamamai

mahinggal wan batukbatuk

Mun kaya kalalatu kami kada nang waninya

maitihi muha sidin

Mun tinggi sakulahnya jangan dilupaakan jua

adatistiadat wan papadah urang bahari

Hidup ada atuirannya tungai

mun talanggar pamali

nangini dipadahakan tahayul

Babungkuk lalu dihadapan urang tuha

Pamali duduk di muhara lawang wayah ari sanja

Anak baiman ingat lawan waktu

Palihara sangkar bumi wan sangkar langit

Kita didalamnya di bibir kada lapas wan thayyibah

di ruas jari kita jangan tanggal tasbih

Mun guring bantal kita syahadat

Salimput kita zikir

Dipahinakan hanya ada nang satu

Dunia tungai bawatas paksina daksina masyrib

wan magrib

Aruwah nini ikam rajin maulah baraskuning

Kita naini tayai musafir

Kadada urang lain nang maulahakan jalan kaakhirat

Kita saurang maka ulah lawan syariat tharikat

wan hakikat

Bamula gawi katuk dahulu wan basmallah lawangnya

buka kuncinya wan ma’rifat

Kai dimalui urang sakampungan

Apalagi kalu ada hual pakara pahalatan

Mun ada Kai urang baakuran

Suah rumah pambakal handak karabahan kuwini

batangnya sing ganalan akarnya tabarubut

Puhun kuwini nitu dipindahakan kai kalain

Kai panyayangan bangat wan anak cucu

Amun datang saruan musti mambawaakan barakat

Tapi kami suah kakalahan wan Kai

Ampah kamarian Kai bulik matan salamatan

Kitingkiting wan bungkusan saputangan

kami manyasah barataan : Minta Kai

Kami rabuti nang di tangan sidin

Kai bakuciak : Jangan naini tahi

Kai pamalar jar kami barataan

Kaputingannya dapat kami jua

Imbahitu kami barabut mangulacak

Tahi jar kami barataan

Han matijaku tahi kada pamaasian

“ Sudah ganap ampatpuluhhari Ya Rabbi

Manjahit jubahMu dari kain tahlil

Wan kupasang kimakima shalawat

Kiblatiakan hadapanku nang tazallul

Aku ridha Ya Rabbi bulik kahadiratMu “

Mun kami takumpulan taganang aruah Kai

Sidin tahu nangapa nang handak kami pinta

Sampai wayahini kami pingkuti papadah sidin

Bismillah nitu anakkunci pambuka lawang surga

bbaru,2003

Kakek Adul

Kakek cermin mata kami

Tinggal beliau sendiri yang masih hidup

Yang lainnya sudah tiada

Di tangan kanan dan kiri dan di kaki

kami memijati

Kakek tersandar di kursi habis marahmarah

tersengalsengal dan batukbatuk

Bila seperti lelatu kami tidak ada yang beraninya

malihat wajah beliau

Bila tinggi sekolahnya jangan dilupakan juga

adatistiadat dan petuah orang bahari

Hidup ada aturannya tungai

Jika terlanggar pemali

Ini dikatakan tahyul

Permisi lewat di hadapan orang tua

Pemali duduk di muka pintu waktu hari senja

Anak beriman ingat dengan waktu

Pelihara sangkar bumi dan sangkar langit

Kita di dalamnya di bibir tiada lepas dengan thayyibah

di ruas jari kita jangan tertinggal tasbih

Bila tidur bantal kita syahadat

Selimut kita zikir

Dipernafasan hanya ada yang satu

Dunia tungai berbatas paksina daksina masyrib

dan magrib

Arwah nenek kamu rajin bikin beraskuning

Kita ini tayai musafir

Tiada orang lain yang membuatkan jalan ke akhirat

Kita sendiri maka buat dengan syariat tharikat

dan hakikat

Sebelum memulai kerja ketuk dulu dengan basmallah pintunya

buka kuncinya wan ma’rifat

Kakek disegani orang sekampungan

Aapalagi kalau ada perselisihan perkara batas tanah

Bila ada kakek orang jadi berdamai

Pernah rumah pembekal hendak ketimpaan kuwini

batangnya sangat besar akarnya terserabut

Pohon kuwini itu dipindahkan kakek ke lain

Kakek penyayangan benar sama anak cucu

Bila datang dari kenduri mesti membawakan oleholeh

Tapi kami pernah kekalahan dengan kakek

Diwaktu sore Kakek pulang dari selamatan

di tangan ada bungkusan saputangan

kami semua mengejar : Minta Kek

Kami rebuti yang ada di tangan beliau

Kakek berteriak : Jangan ini tahi

Kakek pelit kata kamisemua

Akhirnya dapat kami juga

Setelah itu kami rebutan membuka

Tahi kata kami serempak

Kan apa kataku tahi tidak percaya

“ Sudah genap empatpuluhhari Ya Rabi

Menjahit jubahmu dari kain tahlil

Dan kupasangkancingkancing shalawat

Kiblatkan hadapanku yang tazallul

Aku ridho Ya Rabbi kembali kehadiratmu “

Bila kami terkumpulsanak keluarga ingat arwah kakek

Beliau tahu apa yang hendak kami pinta

Sampai sekarang kami selalu memegang petuah beliau

Bismillah itu anak kunci pembuka pintu surga

Banjarbaru, 2003

edisi 2

Pagar Tigarun

Kuayun tungai wan ayunan kakamban langkung

basusun ka bawah malintang nang tiga lapis

Hakikat tarikat wan ma’rifat

Ikam nang babustan lakasi pajamakan mata

Manangis jangan manangis bauntungbatuahai

saharian kuitan mancariakan rajaki

Payung janur maampar syair maulid

baturai lawan shalawat Rasul

Tinduk mandangar papadah urang bahari

Kugantungi wan halilipan wan kambang sarai

wan katupat guntur kawan maantar karuh

Tabu salah wan kacang parang jua

panangkal hantu pulasit wan parang maya

Mata nang kalat lakasi guring

Yun ayun itaiku ayun

Ayun badundang dalam pukungan

Mun ganal intan basusun

Hidup baiman mati baiman

Jangan lawas madam abah di banua urang

cariakan lurungnya di jalan nang halal

Kita baiingat wayah sanja kuning

Tihang rumah kami pasak lawan du’a

Anak kita sudah guring

bbaru,2004

Pagar Tigarun

Kuayun tungai dengan ayunan selendang lengkung

bersusun ke bawah melintang tiga lapis

Hakikat tarikat dan ma’rifat

Kau yang babustan cepat pejamkanlah mata

Menangis jangan menangis beruntungbertuah

seharian orang tua mencarikan rejeki

Payung janur menghampar syair maulid

bersahut dengan shalawat Rasul

Terpekur mendengar petuah orang bahari

Kugantu ngi dengan halilipan dan kembang serai

dan ketupat guntur teman mengantar dengkur

Tebu salah dan kacang parang juga

penangkal hantu pulasit dan parang maya

Mata yang sepat cepati tidur

Yun ayun itaiku ayun

Ayun berdendang dalam pukungan

Bila besar intan bersusun

Hidup beriman mati beriman

Jangan lama merantau ayah di negeri orang

carikan lorongnya di jalan yang halal

Kita beringat ketika senja kuning

Tiang rumah kami pasak dengan do’a

Anak kita sudah tidur

Banjarbaru,2004

Zikir Balarut

Rabana baalunalun diarus banyu

mambaca syair damaidanda

sabagaimana parahu baaarakan

Sungai nang malarutakan tasbih zikir

Mahambur harum kamanyan dari parapian

Malapai minyak likatbaburih

Balalu manapungtawari wan baraskuning

Lindungi wan salamatiakan tanahbanyu

Payung pucuk manyampaiakan pujipujian

lawan Rasulullah

Lilin hakikat hati anak kami baiman wan cardas pikiran

Diandakiakan caramin lakasi barabut

duitpacah di dalam shalawat

Kursumangat diayun ayunan kuning

Baikat pisit di tali haduk jangan sampai pagat silaturrahmi

batu pipisan di tangah watun :

Ai lakasi bajauhan sagala panyakit

Malam hari basuluh handayang

balarut baampah matahari hidup

Shalawat di batang pananjak

Gurdah di bilah pangayuh

maniupi bumbunan anakku bauntungbatuah

bbaru,2004

Zikir Berlarut

Rebana beralunalun di arus air

membaca syair keselamatan

sebagaimana perahu berarakaarakan

Sungai yang melarutkan tasbih zikir

Menghambur harum kemenyan dari perapian

Malapai minyak likatbaburih

Kemudian menghamburi dengan beraskuning

Lindungi dan selamati negeri kelahiran

Payung pucuk menyampaikan pujipujian

pada Rasulullah

Lilin hakikat hati anak kami beriman dan cerdas pikiran

Diletakkan cermin cepatlah berebut

duit keping di dalam shalawat

Kursumangat diayun ayunan kuning

Berikat erat di tali ijuk jangan sampai putus silaturrahmi

batu pipisan di tengah watun :

Ai cepatlah menjauh segala penyakit

Malam hari bersuluh handayang

berlarut menghadap ke timur

Shalawat di tonggak penanjak

Gurdah di bilah pengayuh

meniupi jidad anakku beruntungbertuah

Banjarbaru, 2004

* malapai : memercikkan

likatbaburih : sejenis minyak kental berbau harum

kursumangat : ucapan membangkitkan semangat

watun : palang di bawah pintu berada

di tengah rumah

edisi 3

Pingkalung Sangkut

Mun bapandir pakara gawi sabumi

Cah babubuang liur basi banarai

Dipikirpikir kada jadi baras

Mbah sasain tinggi kamajuan zaman

Sasain jua tabuang adat pusaka urang bahari

Jar urang kada baparibasa baguna tahi larut

Wayahini urang bapipintaran mancari kadudukan

mancari duit nang kaya apakah caranya

Dalas bakalahi sakalambu dalas mamilanduk

manimpakul atawa manahi punai

Han kada sakira wayahini

Banyak bagung jadi raja

Kada ingat lagi lawan tanahbanyu

Sahibar maniring sahibar malihat

Binjai marimbun daun babuah labat

Siapa jua nang uyuh mananam

Adingku handak inya mangidam

bbaru,2004

Pingkalung Sangkut

Jika bicara perkara gawi bersama

Ah tak ada gunanya percuma saja

Dipikirpikir tidak jadi beras

Mbah semakin tinggi kemajuan zaman

Semakin juga terbuang adatpusaka orang bahari

Jar orang tiada berpribahasa berguna taik larut

Jaman sekarang orang berpintaran mencari kedudukan

mencari uang seperti apakah caranya

Biar berantam dengan teman sendiri biar bersiasat curang

mengekor atau menjilat

Wah tiada lagi dapat di dibicarakan sekarang

Banyak bagong jadi raja

Tiada ingat lagi dengan tanah kelahiran

Sekedar melirik sekedar melihat

Binjai merimbun daun berbuah lebat

Siapa juga yang susah menanam

Adikku pengen dia mengidam

Banjarbaru, 2004

*** Pingkalung : potongan kayu yang dilempar

Sarai Sarapun

Baik batuakal kugamati sakikihduakikih

Matahari nang mantapuk kabumbunan

maulah panjanak bahindang bahindala

Kaina kada sawat baulah jalan

manyampati ari

bursiah sanja bagasut bahantak

ka sangkar bumi

Baik kubarasihi darahku

wan ampatpuluhsatu macam wadai

Mbah saraba santuk

Mun baucap buruk muntung

Kada disambat mati abah disambat mati uma

Halinai sarai sarapun nang ditanam

di tanah pahalatan bauumuran

manjadi pakara manjadi pahualan

Nang kaya apa jua banua nang kada suah lagi dipalas

Sanja manyambur sapah

Batiti di balaran tapah

batampi ilat wan nasi astakona

sarai pangasai sakit manyamak

bbaru, 2004

Serai Serumpun

Baik bertawakal perlahanlahan selangkahdualangkah

Matahari yang jatuh ke ubunubun

membuat pandangan berkunangkunang

Nanti tiada sempat membuat jalan

menyempati hari

siapa tahu senja tibatiba tenggelam

ke sangkar bumi

Baik akan kubersihi darahku

dengan empatpuluh satu macam kue

Mbah serba kena

Jika berucap buruk mulut

Tidak disebut mati ayah disebut mati ibu

Apa boleh buat serai serumpun yang ditanam

di tanah perbatasan sekianlama

menjadi perkara menjadi persetruan

Seperti apa juga negri yang tiada pernah lagi di selamati

Senja menyembur sepah

Bertiti di balaran tapah

bertampi lidah dengan nasi astakona

serai pangasai sakit manyamak

Banjarbaru, 2004

*** pangasai : obat gosok

manyamak : sakit di tubuh karena angin

balaran tapah : sejenis rumput yang merambat

edisi 4

Mandulang Sanja

Batulak lacit kapahabisan burung babunyi

daundaun hari luruh lacit ka dalam ruh

Pitung lapis bumi pitug lapis langit

Di kukus wangi garuMu aku luruh

Hujan wan panas maadu nasib

Sanja kutarahtarah lawan shalawat

hagan maulah dulang hagan maulah pangukut

paluhku nang barubuian marigati jubahMu

Tanah kata bismillah

Ditabuk luang nang dalam luang solongan

Banyu mangalir matan banyumataMu

Mangalir mambasuh batubatu zikirku

Saban kulenggang asmaMu di dulang

Saban kiawanku nang panjang

Wan tasbih kada ampih kutirak

Wan tahmid kada ampih kulantak

Kususun takbir panyambung bantiai patah

Di atas sajadahMu nang basah

Aku si pandulang mancari kasugihan

di atas ridhoMu

bbaru, 2004

Mendulang Senja

Berangkat sampai kepenghabisan suara burung

daundaun hari luruh sampai ke dalam ruh

Tujuh lapis bumi tujuh lapis langit

Di kukus wangi garuMu aku luruh

Hujan dan panas mengadu nasib

Senja kutatahtatah dengan skalawat

untuk membuat dulang untuk membuat pengangkut

peluhku yang bercucuran mengotori jubahMu

Tanah kata bismillah

Digali lobang yang dalam lobang trowongan

Air mengalir dari airmataMu

Mengalir membasuh batubatu zikirku

Setiap kulenggang asmaMu di dulang

Setiap panggilanku yang panjang

Dengan tasbih tiada henti kutirak

Dengan tahmid tiada henti kulantak

Kususun takbir penyambung penyangga patah

Di atas sajadaMu yang basah

Aku si pendulang mencari kekayaan

di atas ridhoMu

Banjarbaru, 2004

Tarabang Burung

Sudah sampai di mana aku

Tabantai di padang pasir uslah

Haus kada sakira barubuian paluh

Rasa kadap panjanak kubuka wan bashirah

Bumi wan langit kukikih wan bismillah

Gadiburan angin bauap panas

Dikatinggian gunung hauqalah bau harum

kambang al kautsar manampur

Kupingkuti pisit jazim dalam dadaku

Kuiringi kamana tarabang hinggap kupukupu

Rasa kasisipuan batis malangkah

di muhara lawang : Sampurnakah syahadat ikam

Ruh ikam sabujurnya burung nang tarabang

nang madam ka banua asmaNya

Makani wan aqa idul iman supaya sampurna

basujud ka arasyNya

Badan ikam kurungannya nang harus dibarasihi

wan munazzatun ‘an kulli naqshin wa maa khathara

bil baal supaya sampurna sajadahNya

Jangan baaasaan masuklah

Baradap wan shalawat

Nyalai kamarnya wan ma’rifatullah

Bukai jandilanya wan nuruttjalli

Sabujurannyalah : Laisa kamisylihi syai’un

Imbahitu batasbihlah

“ Mun aku balum bamusyahadah

jangan Engkau tutup pintu ka’bah “

bbaru,2004

** uslah : meditasi (pengasingan diri)

bashirah : melihat dengan mata hati

hauqalah : lahaulawala quwwata illa

billahi al aliyyial adzim

jazim : keyakinan yang pasti

munazzatun . : Allah itu suci dari sifat

kekurangan dan apa saja

yang terlintas dalam hati manusia

nuruttajali : cahaya batinniyah

Laisa ... : tidak ada sesuatu pun yang

serupa dengan Dia

musyahadah : kesaksian keagungan Allah

Terbang Burung

Sudah sampai di mana aku

Terhenyak di padang pasir uslah

Haus tiada tara bercucuran peluh

Rasa gelap pandangan kubuka dengan bashirah

Bumi dan langit kusisih dengan bismillah

Berdeburan angin beruap panas

Diketinggian gunung hauqalah bau harum

kembang alo kautsar semerbak

Kupegangi erat jazim dalam dadaku

Kuiringi kemana terbang hinggap kupukupu

Rasa kemalumaluan kaki melangkah

di muka pintu : Sempurnakan syahadatmu

Ruhmu sebenarnya burung yang terbang

yang mengembara ke benua asmaNya

Beri makan dengan aqa idul iman supaya sempurna

bersujud ke arasyNya

Tubuhmu sangkarnya yang harus dibersihi

dengan munazzatun ‘an kulli naqshin wa maa khahara

bil baal supaya sempurna sajadahNya

Jangan sungkan masuklah

Beradab dengan shalawat

Nyalai kamarnya dengan ma’rifatullah

Bukai jendelanya dengan nuruttajalli

Sesungguhnyalah : Laisa kamisylihi syai’un

Setelah itu bertasbihlah

“ Jika aku belum bermusyahadah

jangan Engkau tutup pintu ka’bah “

Banjarbaru, 2004

*** uslah : meditasi ( pengasingan diri )

bashirah : melihat dengan mata hati

hauqalah : lahaulawala .............

jazim : keyakinan yang pasti

munazzatun : Allah itu suci dari sifat kekurangan

dan apa saja

nuruttajali : cahaya bathinniyah

Laisa .... : tidak ada sesuatu pun yang serupa

dengan Dia

musyahadah : kesaksian keagungan Allah

edisi 5

Sanja Luruh

Lampau sasak lawan cahaya salausalau

Pahumaan nang lawas taung

Inya tahampar di atas tuyukan gayang

Umai lawas mahadang

Lakasi paculakan tali kahidupan nang mangarut

Lakasi ambili

Ruh nang turun di atas bumi

Nang mangandung bau candana

Manampur liar di padang banta

Langit barakun tuntungakan salaksa bilalang

tarabang maambahi padang halalang

Ambili aku nang maulah cinta

nang aku saurang karindangan

uyuh kada sakira mananggung dalam raga

Umai ambiliakan samunyaan warna ruhku

ciuman kasih wan nista

Aku salau dalam cahayaku nang panat

Burungburung ampih maurak halar

Langit wan hutan mambungkus ruhku

masuk ka dalam mimpi abadi

bbaru,2004

Senja Luruh

Dangau sesak dengan cahaya redupredup

Persawahan yang lama terbengkalai

Dia terhampar di atas tumpukan jerami

Duhai lama nian menunggu

Cepatlah lepaskan tali kehidupan yang mengikat

Cepati ambili

Ruh yang turun di atas bumi

Yang mengandung bau cendana

Menghembus liar di padang banta

Langit berawan habiskan selaksa belalang

terbang menjelajahi padang ilalang

Ambili daku yang membuat cinta

yang aku sendiri merindu

penat tiada terkira menanggung dalam raga

Duhai ambilkan semuanya warna ruhku

ciuman kasih dan nista

Aku silau dalam cahayaku yang lelah

Burungburung kehilangan pengepak sayap

Langit dan hutan membungkus ruhku

masuk ke dalam mimpi abadi

Banjarbaru, 2004

Bulik Balanting

Baturai wan hujan garimis. Aku tajipah

dalam rajut lunta rakun. Kukikih carucuk

nang batabul. Ilungilung maumbakgalahani

Sanja sasain bagalusut sasain mamarah janar di mataku

Kada usah lagiah batakun kamana burungburung

maurak halar. Kamana hutan bakau mancari

humbayang sampai ka muhara. Mun angin manampur

kadundangakan parimataku

Ulak banyu wadah mambuang paluh, langitai

Jangan dipadahakan aku kagubihan mun kada

mahirani salanjung mimpi nang marasuki

badanku. Janaki aku mun haratan manjanaki, bumiai

Kutinggalakan suratanku di tabingtabing

manyusur arus kapahumaan lawas taung

Kukuitakan ibubatisku ka tanah

kutawakakan ka matahari pajah :

Mun haus kasih minumku

Mun lapar sayang makanku

Kurasaakan dalam dada kadada lagi

bakalangan baampah sanja

Batang banyu darahku nang baarus ka hulu

Kuhidupi parapin :

Hidup nangini kada pang salagi mati

lawan mati salagi hidup

Alahai si burung mantuk:

Dundang badundang tanjak baalun

Patah sabilah kugantiakan

Garu kamanyan ‘gan pamapainya

Jauhnya jauh kada dirasa

Sinandung silagu badan

Di arus banyu dihantasi

Pananjakku kayu palawan

Karam janganlah karam di hati

Banjarbaru, 2004

Pulang Berakit

Bergumul dengan hujan gerimis. Aku terjebak

dalam rajut jaring gemawan . Kusibak tancapan tunggul

yang berserak. Ilungilung sangkut di ombak

Senja semakinh beringsut turun semakin memerah kunyit

di mataku

Tak usah lagi bertanya kemana burungburung

mengembang sayap. Kemana hutan bakau mencari

bayang sampai ke muara. Jika angin berhembus

dendangkan permataku

Pusaran air wadah membuang peluh, o langit

Jangan dikataka n aku angkuh jika tidak

peduli semuatan mimpi yang merasuki

badaanku. Tatap aku jika sewaktu menatapi, o bumi

Kutinggalkan suratanku di tebingtebing

menyusur arus kepersawahan lama mati

Kucongkelkan ibu kakiku ke tanah

kulemparkan ke matahari tenggelam :

Apa bila haus kasih minumku

Apa bila lapar sayang makanku

Kurasakan dalam dada tiada lagi

dirisaukan menuju senja

Tubuh sungai darahku yang berarus ke hulu

Kuhidupi perapian :

Hidup bukanlah sewaktu mati

dan mati sewaktu hidup

Alahai si burung pulang :

Dendang berdendang tanjak beralun

Patah sebatang kugantikan

Garu kemenyan untuk pemerciknya

Jauhnya jauh tiada dirasa

Senandung silagu badan

Di arus banyu dilintasi

Penanjakku kayu palawan

Karam janganlah karam di hati

Banjarbaru, 2004

* palawan : sejenis pohon kemuning

edisi 6

Di Pancung Lanting

Maulah cagat mata napang pikiran basamut

Tunduktingadah sahamahama kadada bintang

saricihricih kadada jua bulan

Papariannya kukumpulakan batisku kawajuakah

maulah palita daham pajah di hati

Mun tunggul saraba tunggul

wangkis saraba wangkis ngalihnya marasuk pandir

Marasuk mata nang kilirkiliran

Kujanaki pasang pindua

Kularutakan cupikan nang sasak tagah banua

Mun kahandak ayuam lakasi taparanak

nang lawas takandung dalam raga

lawas tabuhul kada taruhuiruhui jua

Napang imbah tatingau ilungilung

daham larut rakun makalaham mahalimpaur dada

mangunci muntung mangunci pangrasa

Han halinai ayuha bagamat bapuat

Baik baapikapik manunjul jukung

barangai mancari hagan pamacah liur

Banjarmasin, 2004

Di ujung Lanting

Membuat nanar mata entah apa pikiran bersemut

Tunduktengadah sebutir pun tiada bintang

seiris pun tiada juga bulan

Seandainya kukumpulkan kakiku mampu jugakah

membuat pelita tiada kan padam di hati

Tetapi tunggul serba tunggul

Tangkis serba tangkis susahnya merajut kata

Merajut mata yang berlinangan

Kutatap pasang pindua

Kularutkan wadah yang sesak semak benua

Seperti kehendak ayolah cepati terlahir

Yang lama terkandung dalam raga

lama terkusut tiada teruhuiruhi juga

Entah apa setelah terlihat ilungilung

Tiadalah larut awan malahan menggejolak dada

mengunci mulut mengunci pengrasa

Yah apa boleh buat biarlah perlahan bangkit

Baik berapikapik mendorong jukung

apalah mencari buat pemecah liur

Banjarbaru, 2004

* ilung : enceng gondok

pasang pindua : memulai pasang

Marasa Maka Tahu

Maajini kahandak hati ari kalayang ari

Duduk di tangah watun cagat mata cagat

Mun bamban katia bamban dirihricih

Burit makalaham lingsak balangsar kada sakira

Bahujung lingsak marasa maka tahu

Pumput jalan pahinakan maulak banyu

Baduduk salah badiri gin salah

Bulan pajah bintang gin pajah

Wan siapa tatakunan nang tunduktingadah

Marasa maka tahu maarit bisul nang marantan

balalawasan mahadang pacah

Nyamanai bapandir mun muntung kada bakuring

Nyur kahulu nyur kahilir nyamanai naik mutur

turun mutur duduk di kursi unggalunggal

Batang tindih batindih kada tahu siapa ampun bilungka

siapa nang linyaknya

Himung bahindangbahindala kada tahu sindum banua

Kurayaman samut mancari juruh napang tukil karing

laang gin saraba karing

Kada ah mun mandangar kulipakkulipak babun di hulu

ngiukngiuk piul di hilir

asa ganting paparutan napangai panurihan sunyi

gatah tiis kada bagatah paluh nang diparah

Napang marasa maka tahu

Batis kulipak tungkulan baambah di padang banta

marajah pahumaan lawas pang taung

Lawas marajah pagat janji basambung pagat pulang

Marajah di hati napang

Manunjul jukung, jukung tapahalang

Manajak kupiah, kupiah tapahalang

Marasa maka tahu

Kikicaktu wadai gayam mata picak dipatuk hayam

Ari kalayang ari

Cagat mata tunduktingadah

Balangsar mahalimpaur

Sakalinya tahadangi buah bungur

Banjarbaru, 2004

Merasa Maka Tahu

Menuruti kehendak hati hari berganti hari

Duduk di tengah watun nanarmatananar

Jika bamban ternyata bamban dibelahbelah

Pantat kesudahannya lecet merasa maka tahu

Buntu jalan pernafasan mempusar air

Duduk salah berdiri juga salah

Bulan padam bintang pun padam

Kepada siapa pertanyaan yang bungkam

Merasa maka tahu menahan bisul yang membengkak

sekian waktu menunggu pecah

Sungguh enak bila bicara kalau mulut tiada berkoreng

Ngeluyur ke hulu ngeluyur ke hilir begitu enaknya naik mobil

turun mobil duduk di kursi malas ongkangongkang

Batang tindihbertindih tiada tahu siapa punya mentimun

siapa yang lenyehnya

Bangga mentereng tiada tahu remangnya negeri

Kerayapan semut mencari juruh kenapa tukil kering

laang pun serba kering

Tidak lah andai mendengar kulipakkulipak gendang di hulu

ngiukngiuk biola di hilir

Rasa genting peperutan sebab penurehan sunyi

karet tiada setetes pun bergetah peluh yang diperah

Coba merasa maka tahu

Kaki pecahpecah berjalan di padang banta

merajah persawahan telah lama mati

Lama merajah putus janji bersambung putus lagi

Merajah di hati kenapa

Mendorong jukung, jukung terlintang

Memasang kopiah, kopiah terlintang

Merasa maka tahu

Kikicak tu wadai gayam mata picak dipatuk hayam

Hari kesekian hari

Nanar mata tunduktengadah

Menggelinjang manggejolak

Ternyata tertunggui buah bungur

Banjarbaru, 2004

*** kulipakkulipak : bunyi gendang

ngiukngiuk : bunyi rintihan biola

banta : sejenis rumput berduri

Kikicak ... : pribahasa / sindiran pada orang

yang tak mau melihat

buah bungur : istilah/ungkapan sesuatu yang

percuma ditunggu